QAuncle
Poochho. Uncle bata dega.
Jo sabse zyada poocha jaata hai. Aur agar yahan nahi hai, toh seedha pooch lo.
Uncle actually kya check karta hai?
Chaar cheezein. Design — kya site AI-template jaisi lagti hai, typography, spacing, visual hierarchy. UX — kya agla step saaf hai, CTA confusing toh nahi. Security — exposed endpoints, missing headers, insecure cookies. Performance — kya cheez slow kar rahi hai.
Mujhe code aata hi nahi. Kaam aayega?
Isi liye toh banaya hai. Uncle tumhe code nahi deta — wo tumhare AI ke liye ek ready prompt deta hai. Copy karo, Lovable / Cursor / Claude mein paste karo, kaam ho jaata hai. Tumhe kuch samajhne ki zaroorat nahi.
Fix prompt baaki site ko tod toh nahi dega?
Prompt jaan-boojh ke scoped likha jaata hai — wo AI ko saaf bolta hai ki sirf is hisse ko chhoona hai, naye dependencies nahi daalne, existing class names nahi badalne, aur breakpoints waise hi rakhne. Yahi is product ka asli kaam hai.
Credits kaise kharch hote hain?
Ek poora scan ek saath kharch hota hai — 10 credits, har baar, site chahe koi bhi ho. Uncle har scan ke baad bata deta hai kitne bache.
Free mein kitna milta hai?
Sign in karte hi 100 credits. Pehla audit uspar free ho jaata hai. Card nahi maangta.
Kya mujhe site ka code dena padega?
Nahi. Sirf live URL chahiye. Uncle wahi dekhta hai jo tumhara user dekhta hai — browser mein, bahar se. Koi repo access nahi, koi installation nahi.
Security check kitna gehra hai?
Ye smoke test hai, poora penetration test nahi. Wo cheezein pakadta hai jo AI-generated apps mein sabse zyada milti hain — khuli debug endpoints, missing security headers, insecure cookies, leaked version info. Agar tumhara app paise ya health data handle karta hai, iske upar asli audit bhi karwana.
Ek hi site dobara check kar sakta hoon?
Haan, jitni baar chaaho — credits ke andar. Aur karna bhi chahiye: har prompt ke baad kuch badalta hai, aur dobara scan karke pata chalta hai ki ab kya bacha hai.
